مسرحية : مغامرة في غرفة الولادة

بطولة كلا من :

—- أنا

—- واحد من الشباب

—- واحد تاني من الشباب

—- انتيرن

—- سبيشاليست

—- ميد وايف

—- البيشنت

————————————-

(( المشهد الأول : الغرفة اللي في نص وورد الاوبي ..))

- أحد ذاكر ال cardinal movment of normal labour ؟

- ايوا انا قريتها أمس ..

- ياخي انا مو متخيل كيف تسير بهذا الترتيب ..

- اذا شفتها بعينك مرره وحده ما حتنساها ..

- مسموح لنا ندخل ولادة ؟؟؟

- ليش لا ..

ها شباب .. فيكم شدة ؟؟

– على فين ؟

- نحضر ولادة ..

- مع نففففسك .. ناقصين قرف احنا ..

- والله يجي .. تعال .. واذا ما ناسبك الوضع امشي ..

- طيب نشوف ..

—————

(( المشهد الثاني : وورد الغايني ))

 

– ..وما لقيت الا المريضة دي تدخلنا عليها ؟

- وربي دي لو جات أورال .. حنتشخمط فيها شخمطة ألييييمة ..

— شباااااب .. الانتيرن يدق عليا .. شكلو السيرفكس انفتح اكتر من 7 سم ..

مشينا ..

هيا هيا ..

————–

(( المشهد الثالث : أمام غرفة الولادة 1\3 ))

 

- ها يا دكتور ايش سار ؟؟

-المفروض بس اثنين منكم يدخلو .. واذا احد سألكم ايش تقولو ؟؟

- نقول احنا ساااادسة ..

- تمام ..

—————–

(( المشهد الرابع : في غرفة الولادة 1\2 ))

 

**
**
**
**
**
**
- يللا يا ايمان .. باقي شوية ..

- ماني قاااادرة …

- خلاص الراس طلع حمدالله عالسلامة .. باقي شوية بس ..

- شوف شوف :
( external rotation , anterior shoulder delivery , posterior shoulder delivery )

-ايوا .. ماشالله .. في اقل من 3 ثواني !!

- الف مبروووك جاتك بنت ..

- ها نمشي ؟؟

- اصبر .. باقي البلاسنتا ..

- وهادي قاعده تسحب في الكورد .. ما تخاف يسير انفيرجن ؟

- خليني اطلع اسأل الدكتور اللي بررا .. شكلو سبيشاليست ..

————

(( المشهد الخامس : أمام غرفة الولادة 2\3 ))

 

- هييا تعرف كيف تسحبه .. لازم تسوي المانوفر صح ..

- طيب دكتور لو انقطع الكورد ايش يسير ؟؟

- هووا المفروض ندخّل المريضة under General Anaesthesia بس انا ما اسوي كدا ..

- طيب ايش تسوي ؟

- دكتووووور !!!! placenta retained .. انقطع الكورد .. والبيشنت بليدينغ !!

- يوووه .. ..

give me gloves ..

—————

(( المشهد السادس : في غرفة الولادة 2\2 ))

 

- ايش قاعد يسوي ؟؟ اشبو دا داخل بيدو !!!

- ولا تخدير ولا شي !! شوف البيشنت مسكينه داخت خلاص !!

- والله طلعها .. طللع البلاسنتا في يدو !! بس ليش دخل مرره تانية ؟؟

- يبغى يتأكد انو ما بقي شي جوا ..

- والله ماشالله قلبو جاااامد .. وتصرف سريييع .. بالله لو كانت دكتورة فيميل ايش كانت حتسوي ؟

- ما اعتقد انها حتدخّل يدها زي كدا .. شوف الدم واصل نص ذراعه .. دا الين فين دخل ؟

————

(( المشهد السابع : أمام غرفة الولادة 3\3 ))

 

- ايش حصل ؟

- خلاص خللص .. شوفو قاعد يغسل يده ..

- الله يقرفها .. هادي ايش كانت شايلة في بطنها !!

.. ها .. في أحد فيكم يبغى يتخصص أوبي ؟؟

- ايوا يا دكتور .. أنا عاجبني التخصص .. وحننزل نتغدى دحين ..

- احلى يا قوي ..

- يجي ..

—————-

(( المشهد الأخير : المفروض نتغدى !! ولا كيف ؟ ))

 

- الشباب في المطعم .. نروحلهم ؟

- هاه ؟ لا معليش انا مشغول ..

- ايش عندك ؟؟

- انااا .. رايح مبنى 10 .. ابغى اشوف الغياب حقي ..

- طيب نستناك ..

- اوووه صح في واحد من الشباب لازم اقابله في المكتبة ..

- طيب نروح الكافتريا نتغدى سوا ؟

- يا شيييخ انا مو جيعان دحين .. و ابغى اروح اجيب السباك .. المغسله معدومة عندي في البيت ..

- هههههه طيب طيب خلاص .. بس اذا ما اتغديت عشان السباك .. لا تنسى تتعشى ..

- ايوا افا عليك .. هييا سلام ..

- سلام ..

- سلام ..

الأوسمة: ob, ولادة،مسرحية،gyne